Абитуриенттерге

Урматтуу абитуриент!

С.Нааматов атындагы Нарын мамлекеттик университети — тездик менен өнүгүп келе жаткан жаш окуу жайлардын бири. Университет түзүлгөндөн бери жыйырма жылга жетпеген убакыт өтсө да, ушул кыска убакыттын ичинде Нарын университети өлкөбүздөгү жогорку окуу жайлардын ичинде өзүнүн татыктуу ордун элей алды. Университеттин бардык ишмердиги жаш улан-кыздарга татыктуу билим берүү, аларды азыркы замандын талаптарына толук ылайык келген кесипкөй адис кылып даярдоого багытталган. Биздин бүтүрүүчүлөрүбүз Кыргызстандын бардык булуӊ-бурчтарында гана эмес, Россияда, Казакстанда, Европа өлкөлөрүндө жана Америкада өз кесиби боюнча ийгиликтүү иштеп жатышат. Нарын университетинде окутуунун жаӊы, натыйжалуу технологияларын, жаӊы маалыматтык технологияларды колдонууга чоӊ басым жасалат. Студенттердин билим алуусуна, жашоосуна, активдүү эс алуусуна бардык ыӊгайлуу шарттар түзүлгөн.

Биздин максатыбыз — Сиздин ишенимдүү келечегиӊизди, Сиздин ийгиликтүү жашооӊузду камсыз кылуу.

Университетте окуу процесси окутуунун кредиттик технологиясы боюнча модулдук-рейтингдик система менен жүргүзүлөт. Интернетке туташылган 11 компьютердик класс, лингафондук кабинет, «Сорос-Кыргызстан» фондунун алкагындагы «Кадам артынан кадам» программасынын аудио-видео борбору студенттерге кызмат көрсөтөт.

Окуу жайда жогорку квалификациялуу окутуучулар эмгектенишет, илимдин беш доктору жана 46 кандидаты студенттерге өз билимдерин беришет. Окутуучулардын 37%ы окумуштуулук даражага ээ. Университетте илимий изилдөөлөр жакшы жолго коюлган, жыл сайын бир нече республикалык жана эл аралык илимий конференциялар өткөрүлүп турат.

Нарын университетинде эл аралык байланыштар мыкты өнүккөн. Азыркы учурда Нарын мамлекеттик университети тогуз эл аралык долбоорго катышып, студенттерди алмашуу жана кызматташтык программалары боюнча иш жүргүзүүдө. Биздин көптөгөн студенттерибиз эл аралык программалар боюнча Европа, Америка, Кытай, Корея сыяктуу өлкөлөргө жарым жылдык жана бир жылдык окууга барып келип жатышат. Студенттерибиздин эл аралык программаларга катышуу мүмкүндүгүн жогорулатуу үчүн алты эл аралык борбор (Америка таануу борбору, Кытай тили борбору, Түрк тили жана маданияты борбору, Араб тили жана маданияты борбору, Корей борбору, Немец тили борбору) чет тилдерди акысыз окутушат. Бүгүнкү күндө Америкадан, Германиядан, Кытайдан, Кореядан келген волонтерлор тилди алып жүрүүчү катары өз тилдерин студенттерибизге үйрөтүүдө.

Окуу жайдын алдында материалдык-техникалык базасы талапка жооп берген ири Илимий китепкана бар. Китепкананын фонду 100 миӊден ашык нускадагы китеп, окуу китептери, 65 аталыштагы илимий журналдар менен камсыз болгон. Электрондук китепканадан окуу китептеринин электрондук версияларын, аудио-видео материал-дарды табууга болот. Окуу корпустарында студенттер үчүн талапка ылайык лабораториялар, кабинеттер иштейт. Студенттердин өзүн-өзү башкаруусун уюштуруу жана чыгармачылыгын өнүктүрүү максатында 2000-жылы «НМУнун жаштар жана студенттер союзу» түзүлгөн. Маданий-массалык иштерди уюштурууда демилгелүүлүгүн жана активдүүлүгүн көрсөткөн жаштар уюму алгылыктуу иштери үчүн эки жолу Нарын облусунун эӊ мыкты жаштар уюму деп табылган.

Абитуриент- 2022

Информатика жана эсептөөчү техника (негизги тест жана физика же математика). Даярдоо профилдери: «Маалыматты иштетүүнүн жана башкаруунун автоматташтырылган системалары», «Эсептөөчү машиналар, комплекстер, системалар жана тармактар», «Эсептөөчү техниканын жана автоматташтырылган системалардын программалык камсыздалышы», «Экономикадагы маалыматтык системалар жана технологиялар». Колдонмо информатика (негизги тест жана физика же математика). Даярдоо профили: «Экономикадагы колдонмо информатика». Бизнес-информатика* (негизги тест жана математика). Даярдоо профили: «Электрондук …

Информатика жана эсептөө техникасы

Профили: Маалыматты иштетүүнүн жана башкаруунун автоматташтырылган системалары Окуунун формасы Күндүзгү Окуунун мөөнөтү 8 семестр (4жыл) Адистикке тапшырууга талаптар ОРТ — 110 балл Контрактык негизде окууга төлөм 1-жыл — 21 000, 2,3,4- жылдары 23 100 Аккредитация 2022- ж. өтөбүз Бюджеттик орун 10 Перспективасы Тестирлөө, программдык камсыздоо (Web тиркемелерин иштеп чыгуу, берилиштер базасы, программалоо Python, Си, Java ж.б.) кирет. Кайсыл уюмдарда иштөө мумкунчүлүгү бар ОАО «Кыргызтелеком», банк, билим берүү тармактарда программист, медицина …

Читать далее

Колдонмо информатика

Профили: Экономикадагы колдонмо информатика Окуунун формасы Күндузгү Окуунун мөөнөтү 8 семестр (4жыл) Адистикке тапшырууга талаптар ОРТ — 110 балл Контрактык негизде окууга төлөм 1-жыл — 21 000, 2,3,4- жылдары 23 100 Аккредитация 2022 өтөбүз Бюджеттик орун жок Перспективасы Тестирлөө, программдык камсыздоо (Web тиркемелерин иштеп чыгуу, берилиштер базасы, программалоо Python, Си, Java ж.б.) кирет Кайсыл уюмдарда иштөө мумкунчүлүгү бар ОАО «Кыргызтелеком», банк, билим берүү тармактарда программист, КР социалдык фонду, налог ж.б. «Экономикада …

Читать далее

Саламаттык сактоодогу информатика

Профили: Саламаттык сактоодогу информатика Окуунун формасы Күндүзгү Окуунун мөөнөтү 8 семестр (4жыл) Адистикке тапшырууга талаптар ОРТ — 110 балл Контрактык негизде окууга төлөм 1-жыл — 21 000, 2,3,4- жылдары 23 100 Аккредитация 2021- ж. өтөбүз Бюджеттик орун жок Перспективасы Окуу планы европалык стандантка ылайыкталып иштелип чыккан, немис тили, IT, медицина тармактар камтылган. Окуу процессинде «Телемедицина», «Мобилдик тиркемелерди иштеп чыгуу» программалоо тилдери кирет, эл аралык медициналык стандарттар, …

Читать далее

Окуу жайга кантип тапшырса болот

Сиздин эң бир татаал жана маанилүү кадам — кесип тандоо процесси турат. Кесип тандоодо үч факторду эске алыңыз: а) келечектеги кесибиңиз Сиздин жөндөмүңүзгө, шыгыңызга жана ички каалооңузга төп келиши абзел; б) университетти аяктагандан кийин кесибиңиз боюнча жумуш орун менен камсыз болуунун реалдуу мүмкүнчүлүгу болушу керек; в) кесипке ээ болуу процесси экономикалык жактан үнөмдүү болушу керек.

Читать далее

Kyrgyz Kyrgyz Russian Russian